ସଂକ୍ଷିପ୍ତ ବିବରଣୀ

ବହୁ ପରିମାଣର ଟଙ୍କା ପ୍ରତିଶୃତି ଦେଉଥିବା ଅବାଞ୍ଛିତ ଇ-ମେଲ, କଲ ଏବଂ ବାର୍ତ୍ତା ବା ମେସେଜ ନକଲି ହୋଇଥାଏ । ନିଜର କଷ୍ଟ ଉପାର୍ଜିତ ଟଙ୍କାକୁ କ୍ଷତିରେ ପକାନ୍ତୁ ନାହିଁ ।

• ଆରବିଆଇ / ଆରବିଆଇର ଅଧିକାରୀ ଏବଂ / କିମ୍ବା ଅନ୍ୟ କୌଣସି କର୍ତ୍ତୃପକ୍ଷଙ୍କ ନାମ ନେଇ ଆପଣଙ୍କ କାର୍ଡ ବ୍ଲକ କରା ଯାଇଛି କହୁଥିବା କିମ୍ବା ଆପଣଙ୍କୁ ବିପୁଳ ପରିମାଣର ଟଙ୍କା ଦେବାର ପ୍ରତିଶୃତି ଦେଉଥିବା ଏସଏମଏସ, ଫୋନ କଲ କିମ୍ବା ଇ-ମେଲ ଦ୍ଵାରା ପ୍ରତାରଣାର ଶିକାର ହୁଅନ୍ତୁ ନାହିଁ ।
• ଜ୍ଞାତ କିମ୍ବା ଅଜ୍ଞାତ ସଂସ୍ଥାଗୁଡ଼ିକରୁ ବିପୁଳ ପରିମାଣର ଟଙ୍କା ପାଇବା ପାଇଁ କୌଣସି ବ୍ୟକ୍ତିକୁ ପ୍ରାରମ୍ଭିକ ଜମା, କମିଶନ ସ୍ଥାନାନ୍ତର ଶୁଳ୍କ ଭାବରେ ଟଙ୍କା ପଠାନ୍ତୁ ନାହିଁ |
• ଆରବିଆଇ କୌଣସି ବ୍ୟକ୍ତିଙ୍କ ଖାତା ଖୋଲେ ନାହିଁ କିମ୍ବା ଏହା କ୍ରେଡିଟ କିମ୍ବା ଡେବିଟ କାର୍ଡ ପ୍ରଦାନ କରେ ନାହିଁ
• ନିଜର ବ୍ୟାଙ୍କ ଖାତା ବିବରଣୀ, ଇଣ୍ଟରନେଟ ବ୍ୟାଙ୍କିଙ୍ଗ ୟୁଜର୍ ଆଇଡି (ID), ପାସୱାର୍ଡ, କ୍ରେଡିଟ କିମ୍ବା ଡେବିଟ କାର୍ଡ ସଂଖ୍ୟା, ସିଭିଭି, ଏଟିଏମ ପିନ କିମ୍ବା ଓଟିପି କାହାକୁ ବି ଦିଅନ୍ତୁ ନାହିଁ । ଆରବିଆଇ କିମ୍ବା ଆପଣଙ୍କ ବ୍ୟାଙ୍କ ଏଗୁଡିକ ପାଇଁ କେବେ ବି ପଚାରିବ ନାହିଁ ।
• ଏସଏମଏସ /ଇମେଲ ମାଧ୍ୟମରେ ପ୍ରାପ୍ତ କୌଣସି ଲିଙ୍କ ଉପରେ କ୍ଲିକ୍ କରି ନିଜର ବ୍ୟାଙ୍କ ଖାତାର ବିବରଣୀ କଦାପି ଦିଅନ୍ତୁ ନାହିଁ । କେବଳ ଆପଣଙ୍କ ବ୍ୟାଙ୍କର ଅଫିସିଆଲ ସାଇଟରେ ଦିଆଯାଇଥିବା ସୂଚନା କିମ୍ବା ଆପଣଙ୍କ କ୍ରେଡିଟ କିମ୍ବା ଡେବିଟ କାର୍ଡର ପଶ୍ଚାତ ଭାଗରେ ଦିଆ ଯାଇଥିବା ସୂଚନାକୁ ହିଁ ଭରସା କରନ୍ତୁ ।
• ଯଦି ଆପଣ ବିଦେଶରୁ କିମ୍ବା ଭାରତ ମଧ୍ୟରେ ସହଜରେ ପ୍ରାପ୍ତ ହେବା ଭଳି ପାଣ୍ଠିର କୌଣସି ପ୍ରସ୍ତାବ ବା ଅଫର ପାଆନ୍ତି, ତେବେ ଆପଣ ସ୍ଥାନୀୟ ପୋଲିସ୍, ସାଇବର କ୍ରାଇମ କର୍ତ୍ତୃପକ୍ଷ କିମ୍ବା sachet@rbi.org.in ରେ ଅଭିଯୋଗ ଦାଖଲ କରିପାରିବେ ।

* ଯଦି ଆପଣ ନିଜେ ଏକ ଦେଣନେଣର ପ୍ରାରମ୍ଭ କରିଛନ୍ତି, ତାକୁ ଛାଡ଼ି ଅନ୍ୟ କ୍ଷେତ୍ରରେ ଅଭିଯୋଗ ଦାଖଲ କରିପାରିବେ ।