ତୁରନ୍ତ ଆଲର୍ଟ ପାଇବା ପାଇଁ ନିଜର ମୋବାଇଲ ନମ୍ବର ଏବଂ ଇମେଲକୁ ଆପଣଙ୍କ ବ୍ୟାଙ୍କରେ ପଞ୍ଜିକରଣ କରନ୍ତୁ । ଯଦି ଆପଣଙ୍କୁ ଏପରି ଏକ ଦେଣନେଣ ସମ୍ବନ୍ଧରେ ଏକ ଆଲର୍ଟ ମିଳେ ଯାହା ଆପଣ କରିନାହାନ୍ତି କିମ୍ବା କାହାକୁ ପ୍ରାଧିକୃତ କରି ନାହାନ୍ତି, ତେବେ ଆପଣ ତୁରନ୍ତ ନିଜ ବ୍ୟାଙ୍କ ସହ ସମ୍ପର୍କ କରନ୍ତୁ । ଅନଲାଇନ ବ୍ୟାଙ୍କିଙ୍ଗ କରିବା ସମୟରେ ଆପଣଙ୍କୁ ଆଉ କେତେକ ସତର୍କତା ଅବଲମ୍ବନ କରିବାର ଆବଶ୍ୟକତା ଅଛି । ଉଦାହରଣ ସ୍ୱରୂପ, ଆପଣଙ୍କର ମୋବାଇଲ୍, ଇମେଲ କିମ୍ବା ୱାଲେଟରେ ଗୁରୁତ୍ୱପୂର୍ଣ୍ଣ ବ୍ୟାଙ୍କିଙ୍ଗ ତଥ୍ୟ ଷ୍ଟୋର କରି ରଖନ୍ତୁ ନାହିଁ । କେବଳ ଯାଞ୍ଚ ହୋଇଥିବା, ସୁରକ୍ଷିତ ଏବଂ ବିଶ୍ୱସନୀୟ ୱେବସାଇଟ୍ ବ୍ୟବହାର କରନ୍ତୁ, ଅର୍ଥାତ ଅନଲାଇନ୍ ବ୍ୟାଙ୍କିଙ୍ଗ୍ ପାଇଁ https: ରୁ ଆରମ୍ଭ ହେଉଥିବା ୱେବସାଇଟ୍ସ । ସର୍ବସାଧାରଣ, ଖୋଲା କିମ୍ବା ମାଗଣା ନେଟୱାର୍କ ମାଧ୍ୟମରେ ବ୍ୟାଙ୍କିଙ୍ଗ କରନ୍ତୁ ନାହିଁ । ଆପଣଙ୍କର ଅନଲାଇନ୍ ବ୍ୟାଙ୍କିଙ୍ଗ୍ ପାସୱାର୍ଡ ଏବଂ ପିନକୁ ବଦଳାନ୍ତୁ । ଯଦି ଆପଣଙ୍କର ଏଟିଏମ୍ କାର୍ଡ, କ୍ରେଡିଟ୍ କାର୍ଡ, ପ୍ରିପେଡ୍ କାର୍ଡ ହଜିଯାଏ କିମ୍ବା ଚୋରି ହୁଏ ତେବେ ତୁରନ୍ତ ଏହାକୁ ବ୍ଲକ ଅର୍ଥାତ ଅବରୋଧ କରନ୍ତୁ ।